افغانستان اسلامی امارت ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین اسلامی همکارلیکلر تشکیلاتی خاص نماینده سی نینگ سکرتر جنرالی طارق علی بخیت و یولداش هیاتی بیلن اوچره‌شیب ملاقات قیلدی.
افغانستان اسلامی همکارلیکلر تشکیلاتی دفتری مسوولی محمد سعید العیاش حضوریده ارگ ده بولیب اوتگن اوچره شووده، بیرینچیدن مولوی عبدالسلام حنفی مذکور هیاتنی خوش کیلیب سیز دیب، (oic) اسلامی همکارلیکلر تشکیلاتی نماینده لیگینی افغانستان ده فعال بولگنیدن خورسندمن دیدی.
اوشبو تشکیلات کابلده گی نماینده لیگی مسوولی یقین دن ایشله یمیز و اسلامی همکارلیکلر تشکیلاتی نینگ فعال عضوی صفتیده سیزلر بیلن هر دایم همکار میز دیدی.
سونگره، اسلامی همکارلیکلر تشکیلاتی سکرتر جنرالی خاص نماینده سی طارق علی بخیت، بیزلر بوتون اسلام دنیاسی اولکه لری اینیقسه افغانستان بیلن آغه اینیلیک و اسلامی چوکاتده اسلامی همکارلیکلر تشکیلاتی بیلن ایشله یمیز و شونینگ اوچون دفتری میزنی کابلده آچدیک دیدی.
اونینگ سوزلریگه کوره، اسلامی همکارلیکلر تشکیلاتی بوندن آلدین اوستیده کیلیشیلگن دستور اساسیده افغانستان اوچون بیر صندیق ایجاد قیله‌دی و عربستان سعودی نینگ جده شهریده جایلشگن ترقیات اوچون اسلامی بانک اداره ایتیله دی.
طارق بخیت نینگ ایتیشیچه، مذکور صندیق یقین کیله جک ده رسما آچیله دی و انسان پرورلیک یاردملر، ترقیات پروژه لر واسلامی امارت تامانیدن اولویتگه آلینگن بولیملرگه مصرف قیلینه‌دی.
شونینگدیک یقین کیله جک ده اسلام دنیاسی عالملری هیاتی افغانستان کیلیب، اسلامی امارت بلند مرتبه لی رسمیلری همده افغانستان دین عالملری بیلن اوچره شه دی دیدی او.
افغانستان اسلامی امارت ریاست الوزراء اداری اورین باسری حرمتلی مولوی عبدالسلام حنفی، سعودی عربستان همده اسلامی همکارلیکلر تشکیلاتی گه اعضای اسلامی دولتلر ابتکاری بیلن آچیلگن اوشبو صندیق اوچون تشکرلیک قیله من دیدی.
اونینگ قوشیمچه قیلیشیچه، ینگی حکومت افغانستان ملتی نینگ شرعی و انسانی حقوقلری تامینله‌نیشی اوچون متعهد دیر و بیزلر مخدر ماده نینگ قاچاقی، ایکیلیشی و ایشلب چیقاریلیشی نینگ آلدینی اله میز و اسلامی همکارلیکلر تشکیلاتی دن دهقانلرگه همکاریلیک قیلیشی سوره یمیز.
اوچره شوو نینگ سونگگیده حرمتلی مولوی عبدالسلام حنفی، اسلامی همکارلیکلر تشکیلاتی بيلن مناسبتلر و همکارلیکلر کینگه‌ییشی اوستیده تاکیدله‌دی.
