افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر آخند باشچیلیگیده بوگون مرمرین قصریده اقتصادی کمیسیون نینگ فوق العاده ییغینی بولیب اوتدی.
اوشبو جلسه ده مذکور کمیسیون نینگ ایریم فیصله لری تطبیقی باره سیده تیگیشلی وزیرلیکلر و اداره لر بیلن بحث قیلینیب توصیه لر ایتیلدی و عالیقدر امیرالمؤمنین حفظه‌الله تعالی تامانیدن ریاست الوزراء اقتصاد اورین باسرلیگیگه تاپشیریلگن وظیفه لر تعقیب بولیشی و اوچ آیدن سونگ بونینگ گزارشی اسلام امیرلیگی رهبریتیگه شریک قیلینیشی بیلدیریلدی.
ایتیش کیره ک که ایسله تیلگن فیصله اقتصاد کمیسیونی ده ۱۴۴۶ هجری قمری ییل جمادی الاولی اوچینچی تاریخیده عالیقدر امیرالمؤمنین شیخ القران والحدیث مولوی هبة الله اخندزاده حفظه الله تعالی باشچیلیگده بولیب اوتگن ییغلیش ده قرار آلینگن ایدی.#
