افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر قطرگه اوزی نینگ سفری دوامیده، تیناوون کیچ اسلام امیرلیگی نینگ دوحه ده گی سیاسی دفترینی باریب کوریب مسووللر تیکشیردی.
دستلب، اسلام امیرلیگی نینگ دوحه ده گی دفتری رییسی حرمتلی سهیل شاهین تیگیشلی ایشلرو یوتوقلر تفصیلاتینی ایتی قیین چیلیکلرنی حرمتلی مولوی عبدالکبیر بیلن شریک قیلیب کوپه یتیریشیچه، اوتمیش گه قره گنده بیر قنچه مملکت لر همده تشکیلاتلر نماینده لری بیلن علاقه لر کینگه یگن دیر.
حرمتلی شاهین جنابلری نینگ سوزلریگه کوره، کابل ده ایلچیخانه لری فعال بولمه گن مملکت بیر قنچه مساله لر و ایکی تامانلمه موضوعلر باره سیده اسلام امیرلیگی نینگ دوحه ده گی سیاسی دفتری بیلن علاقه ده بوله دیلر.
شونینگدیک حرمتلی مولوی عبدالکبیر اسلام امیرلیگی نینگ دوحه ده گی سیاسی دفتری ایشلرینی مختب و مذکور دفترنینگ ارزشی باره سیده اشاره قیلیب ایتیشیچه، افغانستان اسلام امیرلیگی نینگ سیاسی دفتری اسلام امیرلیگی سیاسی علاقه لر رواجله نیشی و ایریم مساله لر حل بولیشی خصوصیده بو دفتر نینگ سهمیدن کوز یومیش ممکن ایمس.
حرمتلی مولوی عبدالکبیر اوشبو اوچره شوونینگ اداغیده، ایشلر رواجله نیشی و باشقه بیر قنچه تیگیشلی موردلر حقیده اسلام امیرلیگی سیاسی دفتری نینگ مسووللری لازم بویروقلر تاپشیردی.ٍ#
