افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین کابل بیلیم یورتی تورلی بولیملرینی بیتتیرگن محصللرنینگ فراغت محفلیده اشتراک قیلیب نطق سوزله دی.
ریاست الورزاء سیاسی اورین باسری حرمتلی مولوی عبدالکبیرنینگ حضوری بولگن اوشبو مراسم ده دستلب ریاست الوزراء اداری اورین باسری حرمتلی مولوی عبدالسلام حنفی عالی تحصیلات وزیرلیگی همده کابل بیلیم یورتی رهبرلیک هیاتینی بو طنطنه لی محفل نی اویوشتیرگنلری اوچون منتدارچیلیک قیلیب، محصللرنینگ تورلی بولیملرنی بیتتیرگنلیگی مناسبتی بیلن اولرنینگ عایله سی، استادلر و افغانستان ملتینی تبریکله دی.
حرمتلی مولوی عبدالسلام حنفی بیتتیرگنلرگه خطاب قیلیب ایتیشیچه، بوگون برچه لرینگیز موفقیت بیلن تحصیلی بیر دوره نی بیتتیردینگیزلر، لیکن بو ایش نینگ یکونی ایمس، بلکه سیزلرنینگ مکلفیت و مسوولیتلرینگیز بوندن کیین باشلنه دی و اولکه همده ملت گه خدمت قیلیش مقصدیده بیللرینگیزنی باغلب بوتون کوچینگیز بیلن تلاش قیلیشینگیز کیره ک.
ریاست الوزراء اداری اورین باسری نینگ قوشیمچه قیلیشیچه، اوشندی که استوار آدیملر و زحمت بیلن اینگ مشقتلی بیر مرحله نی باسیب اوتدینگیزلر و کیله جک ده یخشی راق پارلش اوچون تلاش قیلیب اوزلرینگیزنی موفقیت چوقی لریگه ییتکزینگلر و اسلامی نظام، اولکه و رنج کورگن جامعه نگیزگه مصدر خدمت بولینگلر.
حرمتلی مولوی عبدالسلام حنفی نینگ سوزلریگه کوره، افغانستان اسلام امیرلیگی تامانیدن یاشلرنینگ تحصیلی اوچون مناسب فرصت یره تیلگن و شونینگدیک اولکه بیلیم یورتلریده ماسترلیک و دوکتورا سویه سیده تحصیل زمینه سی یره تیلگن و ایسته گن لر بو آلتین فرصت دن فایده له نیب اوز عملی سویه لرینی کوتریش و کینگه یتیره آله دیلر.
یاشلرگه ایش زمینه سی یره تیلیشی باره سیده اشاره قیلیب گپیرگن ریاست الوزراء اداری اورین باسری نینگ ایتیشچیه، سونگی اوچ ییل یچیده اصلاحات اداری ارقلی بیلیم یورتلرده تورلی بولیملرنی بیتتیرگن قیرق اوچ مینگ فارغ لر آزاد رقابت آرقلی مملکت ده تورلی اداره لرگه جذب بولگن لر و اسلام امیرلیگی ایسه کیله جک ده هم یاشلرگه ایش زمینه سینی یره تیش اوچون تلاش قیله دی.
ایتیش کیره ک که بو ییل کابل بیلیم یورت نینگ ۷۲ رشته‌سیدن ۲۳۰۸ محصل تورلی بولیملرنی بیتتیرگنلر.#
