افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر آخند باشچیلیگیده مرمرین قصریده بولیب اوتگن اقتصادی کمیسیون نینگ نوبت ده گی ییغینیده آجندا اساسیده ایریم موضوعلر اوستیده فکر المشتیریلیب بحث آلیب باریلدی.
اوشبو ییغین ده ایچکی ایکینچیلیک و چارواچیلیک ایچکی محصولاتدن فایده له نیش طرزالعمل مسوده سی، قوریلیش پروژه لرده غوری سمنت دن فایده له نیش، خوست ولایتی غلام خان و قندهار ولایتی نینگ اسپین بولدک گمرکلریگه ییر انتقال بیریلیشی و باشقه بیر قنچه موضوعلر اوستیده بحث قیلیندی.
هر تامانلمه بحث آلیب باریلگندن سونگ ایکینچیلیک و چارواچیلیک ایچکی محصولاتلردن فایده له نیش طرزالعمل مسوده سی تصدیقلندی و نهایی فیصله بولیشی اوچون ریاست الوزراء عالی مقامی گه یوباریلدی.
اوشبو طرزالعمل دهقانلر همده چاروالرنینگ اقتصادی اوسیشی کوچه یتیریلیشی و عین حالده زراعتی همده چارواچیلیک ایچکی محصولاتیگه باراز تاپیش اوچون تدوین ایتیلگن دیر که بیرینچیدن ملی مدافعه و ایچکی ایشلر وزیرلیکلری قوشیمچه استخبارات ریاستی و برچه امارتی اداره لر و طنداشلریمیز اوزلری نینگ احتیاجلرینی تامینلش اوچون بو محصولات گه اولویت بیریشلری کیره‌ک.
اقتصادی کمیسیون نینگ مذکور جلسه سیده قوریلیش پروژه لرده غوری سمنت دن فایده له نیش باره سیده گی هیات نینگ گزارشی هم تقدیم قیلیندی و تصدیقلندی.
بیلدیریلگن گزارش ده تیگیشلی سکتوری وزیرلیکلر، اداره لر همده وطنداشلریمیزگه پروژه لر همده قوریلیش ایشلریگه غوری سمنت گه اولویت بیریشلری توصیه ایتیله دی و فابریکه نینگ بولیملری ایشلب چیقاریش ده معیارلرگه ماس بولگن.
شونینگدیک غوری سمنت فابریکه سی نینگ مسووللریگه ایشلب چیقاریش قابلیتلرینی آشیریش و شو کبی برچه بولیملرده معیاری تولیدات اوچون تلاش قیلیشلری توصیه قیلیندی و مملکت سمنت ایشلب چیقاریشده اوزینی حمایت قیلیشی تاکیدلندی.
غوری سمنت فابریکه سی حاضرگی کونده ۲۴ ساعت ده ۷۰۰ تن سمنت ایشلب چیقاره دی و اونینگ صفتیگه خاص توجه قیلگن.
ییغین ده باشقه موضوعلر باره سیده هم تفصیلاتلی بحث قیلینیب و لازم قرار قبول قیلیندی. اقتصادی کمیسیون ییغینی دعا قیلینیشی بیلن توگه‌دی
