افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی تیناون توشدن سونگ ازبکستان باش زویری نینگ معاونی حرمتلی جمشید خواجه یف بیلن کوریشدی.
بو اوچره شووده بیرینچیدن حرمتلی جمشید خواجه یف افغانستان اسلام امیرلیگی ریاست الوزراء اداری اورین باسری همده یولداش هیاتنی خوش کیلیب سیزلر دیب، مملکتی نینگ تورلی بولیملرده گی مشترک همکارلیگی جمله دن کانلرنی قازیب چیقاریش، تجارتی ماللرنی ساتیب آلیش، ایکینچلیک رواجله نیشی و تجارتی همده ترانسپورتی ماللرنی ییتکزیش اوچون آسانلیک یره تیش ده افغانستان اسلام امیرلیگی بیلن همکار ایکنلیکلریدن ایشانچ بیردی.
ازبکستان باش وزیری نینگ اورین باسری هر ایکی مملکت اورته سیده گی آلغه سیلجیش و تجارتی کینگه یشنی تیلگه آلیب و ترمذ شهریده تجارتی مرکز ایجاد بولگنینی بو توغریده گی ییریک یوتوقلریدن دیدی.
سونگ ریاست الوزراء اداری اورین باسری حرمتلی مولوی عبدالسلام حنفی ازبکستان همکارلیکلرینی خوش قرشیلیب و هر ایکی مملکت نینگ اوزاق مدتلی ایزگو مناسبتلریگه اشاره قیلیب ایتیشیچه، اسلام امیرلیگی بو علاقه لرنی تورلی بولیملرده تقویت ایتیب و کینگه یتیریشنی ایسته یدی.
حرمتلی مولوی عبدالسلام حنفی افغانستان ده سرمایه یاتقیزیش اوچون فرصتلر یره تیلگن و اسلام امیرلیگی مملکت گه سرمایه آلیب کیریشنی خوش قرشیلیب برچه تاجرلر و سرمایه یاتقیزوچیلرگه لازم بولگن سهولتلرنی یره تیب بیره دی دیب قوشیمچه قیلدی.#
