افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالسلام حنفی سعودی عربستان نینگ افغانستان‌ده گی ایلچیسی حرمتلی فیصل بت طلق بن مطلق البقمی بیلن اوچره‌شدی.
اوچره‌شووده دستلب حرمتلی فیصل بت طلق هر ایکی اولکه نینگ تاریخی مناسبتی باره‌سیده صحبت قیلیب، افغانستان و سعودی عربستان مسلمان بیر دوست مملکت صفتیده اوزاق مدتلی سیاسی، فرهنگی و اقتصادی علاقه گه ایگه‌لر و بو مناسبتلر کیله‌جکده هم کینگه‌یتیریلیشی اوچون سعی و حرکت قیلیشلرینی ایتدی.
شونینگدیک سعودی عربستان ایلچیسی مملکتی هر دایم تورلی بولیملرده افغانستانگه اوز کمک و همکارلیکلریگه دوام بیره‌دی دیب تیلگه آلدی. اسلام امیرلیگی برقرار بولگن دن بیری اوشبو کمکلر دوام ایتگنینی اظهار ایتگن سفیر کیله‌جکلرده هم اوزی میزنینگ انسان پرورلیک یاردملریمیزنی افغانستان مسلمان خلقی قاله‌ویرسه افغان مهاجرلریگه دوام بیره‌میز.
شونینگدیک فیصل بن طلق صحبتی دوامیده اسلام امیرلیگی نینگ مخدرماده گه قرشی کوره‌ش برقرارلیک همده امنیت تامینله‌نیشی و باشقه بولیملرده‌گی یوتوقلریدن خرسندلیک بیلدیریب، هر ایکی اولکه نینگ مناسبتلری یوقاری سطح ده بولیشیگه قره‌مه‌ی، لیکن هر ایکی مملکت قابلیتینی نظرگه توتگنده بو علاقه‌لر آرتیشی ممکن و سعودی عربستان دولتی اسلام امیرلیگی بیلن مناسبتنی کینگه‌یتیریشنی خوش قرشیله‌یدی.
کیینچه‌لیک اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی سعودی عربستان نینگ افغانستان‌ده‌گی ایلچیسی حرمتلی فیصل بن مطلق اوچره‌شگنیدن خرسندلیک قیلیب ایتیشیچه، عربستان دنیا اینیقسه اسلام دنیاسیده مهم وتاثیرلی بیر مملکت دیر و اسلام امیرلیگی بو مملکت بیلن علاقه‌سینی کینگه‌یتیریشنی استقبال ایته‌دی دیدی.
ریاست الوزراء اداری اورین باسری حاجی‌لر پروسه‌سی اوتکزیلگنیدن قدردانلیک قیلیب و بو دولت نینگ تورلی پیتلرده افغانستان مردمی‌گه کورستگن یاردمی حقیده ایتیشیچه، اسلام امیرلیگی هر ایکی مملکت نینگ تاریخی، اقتصادی، فرهنگی و دینی مناسبتلرینی اعتبارگه آلگن حالده، کیله‌جکلرده هم بو علاقه‌لر کوچه‌یتیریلشی اوچون تلاش قیله‌دی دیب قوشیمچه قیلدی.#
