افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی تیناون کیچ قرون ازبکستانده گی بیر قنچه افغان تاجرلری بیلن اوچره شیب ملاقات قیلدی.
اسلام امیرلیگی نینگ تاشکیندده گی ایلچیخانه سیده، ریاست الوزراء اداری اورین باسری و یولداش هیاتی، ایلچی و ایلچیلیک نینگ بیر قنچه مسووللری حضوری بولگن بو اوچره شوویده، دستلب تاجرلر و مذکور افغانلر ریاست الوزراء اداری اورین باسرینی خوش کیلیب سیز دیب اوز فکر و ملاحظه لری همده پیشنهادلرینی بیلدیردیلر.
اولرنینگ سوزلریگه کوره، اسلام امیرلیگی نینگ مسووللری هر دایم ازبکستانده گی وطنداشلریمیز و تاجرلرنینگ فکر و ملاحظه سی، پیشنهادی و قیینچیلیکلرینی ایشیته دی و اونینگ حلی اوچون همکارلیک قیله دیلر.
بو اوچره شووده ازبکستان ده گی تاجرلر همده افغانلر تورلی بولیملر جمله دن هر ایکی مملکت اورته سیده گی تجاری ایشلرگه اسانلیک یره تیلیشینی ایسته دیلر.
کیینچه لیک ریاست الوزراء اداری اورین باسری حرمتلی مولوی عبدالسلام حنفی ازبکستان ده گی وطنداشلر و ملی تاجرلر بیلن کوریشیب اوچره شگنیدن خورسندلیک قیلیب ایتیشیچه، افغانستان اسلام امیرلیگی ایچکری و تشقریده وطنداشلریمیزنینگ فکر و ملاحظه سی همده پیشنهادلرینی ایشیتیش اوچون تلاش قیله دی و اونینگ حلی اوچون لازم چاره تدبیر کوره دی.
ریاست الوزراء اداری اورین باسری افغانستان برچه افغانلرنینگ مشترک اویی دیر و تینچلیک و برقرارلیک ده حیات کیچیریش برچه نینگ حقی دیب قوشیمچه قیلدی.
اونینگ سوزلریگه کوره، اميرالمؤمنین حفظه الله تعالی ارقلی عمومی عفو فرمانی صادر قیلینگندن سونگ مملکت ایچکریسیده هیچ کیم اوچون امنیتی وسیاسی قیینچیلیک یوق و امنیت ایسه بوتونله تامینلنگن و اسلام امیرلیگی ایسه مملکت ده تجارتی و سرمایه یاتقیزیش بولیملرده لازم تورلی فرصتلر و آسانلیکلرنی یره تیب بیرگن.
حرمتلی مولوی عبدالسلام حنفی جنابلری ازبکستانده گی افغان تاجرلر همده سرمایه یاتقیزوچیلریدن افغانستانده یره تیلگن فرصتلردن فایده له نیب تورلی بولیملر قاله ویرسه کانلرنی قازیب چیقاریش، انرژی، ایکینچیلیک و ایشلب چیقاریش کارخانه لرنی ایجاد قیلیش بیلن مملکت نینگ آبادنلیگی و ترقیاتی حصه قوشیشلرینی سوره دی.#
