افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن سونگ جوزجان ولایتی والیسی حرمتلی قاری گل حیدر شفق بیلن کوریشدی.
بو اوچره شووده، دستلب جوزجان ولایتی والیسی حرمتلی قاری گل حیدر شفق بو ولایت ده مجاهدلر، محلی حکومت چیلیک و امنیت وضعیتی قوشیمچه اوزی نینگ ایش و فعالیتلری حقیده گزارش بیردی.
اونینگ قوشیمچه قیلیشیچه، جوزجان ولایتیده اسلام امیرلیگی نینگ مجاهدلری همده مسووللری مردم گه خذمت قیلیش و اولرنینگ قیینچیلیکلرینی برطرف ایتیش اوچون هر دایم تلاش قیله دیلر و بو توغریده هیچ بیر کوشش نی دریغ ایتمه دیلر.
جوزجان والیسی شونینگدیک جوزجان ولایتی مردمی نینگ ترقیات پروژه لر عملگه آشیریلیشی، قتناو یوللری قوریلیشی و ولایت نینگ اوزاق منطقه لریده صحی مرکزلری قوریلیشی خصوصیده گی ایسکلرینی شریک قیلدی.
ریاست الوزراء اداری اورین باسری حرمتلی مولوی عبدالسلام حنفی بو اوچره شووده خرسندلیک بیلدیریب، یشاوچیلر برابریده شایسته خذمت بجرگنلری اوچون جوزجان ولایتی مسووللری فعالیت همده ایشلرینی آلقیشله دی.
ریاست الوزراء اداری اورین باسری امنیت تامینله نیشی، اجتماعی آسایشته لیک یره تیلیشی، مردم نینگ برقرارلیگی سقله نیشی اسلام امیرلیکی نینگ اساسی وظیفه لریدن حسابنله دی و محلی مسووللر ایسه وطنداشلریمیزنینگ قیینچیلیگی انیقله نیب و اونینگ برطرف ایتیلیشی اوچون کوپراق تلاش قیلیشلری کیره ک دیدی.#
