افغانستان اسلام امیرلیگی ریاست الوزراء مقامی عمومی دفتری باشلیغی حرمتلی داکتر ملا عبدالواسع بوگون توشدن آلدین کابل ولایتی پلچرخی و احمدشاه بابا مینه منطقه سی نینگ بیر قنچه یاشلری بیلن ارگ ده اوچره یدی.
بو اوچره شووده، بیرینچیدن ریاست الوزراء مقامی عمومی دفتری نینگ سیاسی و مردمی ایشلر باشلیغی مولوی گلزار احمد حقانی اولرنی خوش کیلیب سیزلر دیب ایتیشیچه: مملکت نفوسی نینگ کوپچیلیگینی تشکیل قیلوچی یاش قتلم بیلن بوگون اوچره شگنمیزدن خورسندمیز و هر دایم اولکه و مردم گه خدمت قیلیش یولیده قیینچیلیکلرنی قبول قیلیب آلغه کیتیش اوچون تلاش قیله دیلر.
کیینچه لیک احمد بلال نوری و ایمل زیب ایمل باشقه یاشلر نماینده لیگیده گپیریب مملکت ده خوفسیزلیک تامینلگنی و مردم نینگ حیاتی یخشیله نیشی خصوصیده آلیب باریله دیگن تلاشلردن خورسندلیک بیلدیریب تعلیم، ایش جایلری، هنر و سپورت بوییچه کوپراق توجه بولیشنی خواهله دیلر.
شونینگدیک اولر یاشلر بیرله شیشی و قیینچیلیکلری حل بولیشی مقصدیده، هر بیر منطقه ده کمیته لر ایجاد بولیشی باره سیده اوز پیشنهادلرینی ریاست الوزراء مقامی عمومی دفتری باشلیغیگه شریک قیلدیلر.
سونگره، ریاست الوزراء مقامی عمومی دفتری باشلیغی حرمتلی داکتر ملا عبدالواسع مذکور یاشلرنی خوش کیلیب سیزلر دیب ایتیشیچه، یاشلر جامعه نینگ ستون فقراتینی تشکیل ایته دیلر و تاریخ نینگ تورلی دورلریده مملکت مستقللیگی و آبادانلیگی اوچون اوزلریدن باتورلیک همده فداکارلیک کورستیب کیلگنلر.
اونینگ سوزلریگه کوره، اسلام امیرلیگی یاشلرنینگ قیینچیلیکلرینی توشینه دی و اوزی نینگ امکاناتی محدوده سیده اولرگه مناسب ایش شرایطی ایجاد بولیشی و فعالیتلری اوچون تلاش قیله دیلر بونینگ مثالینی مخدر ماده گه بیریلگن مینگلب کیشینی ییغیب اولرنی دوالب مسلکی و دینی اوقیتیشلرنی اورگتگندن سونگ سالم کیشی صفتیده جامعه گه قیتریش دیر.
ریاست الوزراء مقامی دفتری نینگ حرمتلی باشلیغی افغانستان اسلام امیرلیگی یوقاری مرتبه لی هیاتی نینگ سونگی وقتلرده ازبکستان سفری و مملکت ایچکریسیده سرمایه یاتقیزیش اوچون یخشی شرایط یره ایجاد بولگنیگه اشاره قیلیب ایتیشیچه، بیزلر ترمذ شهریده افغان سرمایه یاتقیزوچیلری بیلن اوچره شیب صحبت قیلدیک و اولرنی افغانستان ایچکریسیده تورلی بولیملرده سرمایه یاتقیزیشگه تشویق ایتدیک تاکه بیر تاماندن یاشلر ایش زمینه سی یره تیلسه و باشقه بیر تاماندن ایسه مملکت رواجلنسه.
حرمتلی داکتر ملا عبدالواسع اوزی نینگ صحبتلری اداغیده یاشلرگه خطاب قیلیب ایتیشیچه، صبر و استقامت قیله میز، تکلیفلرنی تن آله میز و مملکت نینگ رواجله نیشی و ترقیاتی یولیده بیرگه لیکده تلاش قیله میز دیدی.#
