افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون فاریاب ولایتی والیسی حرمتلی مولوی عبدالاحد فضلی بیلن اوچره‌شدی.
بو اوچره‌شووده دستلب فاریاب والیسی حرمتلی مولوی عبدالاحد فضلی بو ولایت نینگ اجتماعی، اقتصادی و محلی حکومت‌دارلیگی وضعیتی قوشیمچه، ایش و فعالیتلری توغریسیده ریاست الوزراء اداری اورین باسرلیگیگه گزارش بیردی.
اونینگ ایتیشیچه، بو ولایت ده بوتونله‌ی امنیت تامین و محلی مسووللر خدمت قیلیش و مردم قیینچیلیگینی برطرف قیلیش اوچون تلاش قیله‌دیلر.
ریاست الوزراء اداری اورین باسری حرمتلی مولوی عبدالسلام حنفی فاریاب ولایتی محلی مسووللری نینگ ایش و فعالیتینی تقدیرلب، امنیتنی تامینلش، اجتماعی آسایشه‌لیک یره‌تیش اسلام امیرلیگی مسوولیتی دیر و محلی مسووللر بو توغریده کوپراق تلاش قیلیشلری کیره‌ک دیدی.
حرمتلی مولوی عبدالسلام حنفی فاریاب والیسیگه مردم گه یخشی خدمت قیلیش و اولرنینگ قیینچلیکلرینی برطرف قیلیش اوچون لازم بویروق تاپشیردی.#
