افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی و یولداش هیاتی بوگون توشدن آلدین ترمذ شهریده‌گی تاجرلر، سرمایه یاتقیزوچیلر و او ییرده یشاوچی افغانلر بیلن اوچره‌شدی.
اسلام امیرلیگی نینگ قونسولگرلیگیده یولداش هیات، ترمذده اسلام امیرلیگی نینگ سرقونسولی قونسولگرلیک‌نینگ باشقه مسووللری حضوریده بولیب اوتگن اوچره‌شووده، بیرینچیدن اوچره‌شگنلر اسلام امیرلیگی اداری اورین باسری همده هیاتنی استقبال و خوش کیلیب‌سیزلر دیب اوزلری نینگ پیشنهادلری و ایستکلرینی اورته‌گه قویدیلر.
شونینگدیک اولر هر ایکی مملکت اورته‌سیده‌گی تجاری ایشلر توغریسیده آسانلیک ایجاد قیلینیشی بوییچه پیشنهادلرینی اسلام امیرلیگی مسوولریگه شریک قیلدیلر.
کیینچه‌لیک ریاست الوزراء اداری اورین باسری حرمتلی مولوی عبدالسلام حنفی ترمذ شهریده‌گی تاجرلر، سرمایه یاتقیزوچیلر و افغانلر بیلن کوریشگنینی خوش قرشیلیب، اسلام امیرلیگی تاجرلر همده سرمایه یاتقیزوچیلرگه هر دایم لازم بولگن آسانلیکلرنی و امکانیت لرنی یره‌تیب بیریش اوچون تلاش قیله‌دی دیب ایتدی.
ریاست الوزراء اداری اورین باسری نینگ کوپه‌یتیریشچه، حاضرگی کونده اسلام امیرلیگی تجارلر همده سرمایه یاتقیزوچیلرگه کوپینچه آسانلیک یره‌تگن دیر دیب، اولردن بو فرصت دم فایده‌له‌نیب افغانستان‌ده تورلی بولیملرگه سرمایه آلیب کیریشلرینی ایسته‌دی.
بو سفرده حرمتلی مولوی عبدالسلام حنفی و یولداش هیاتی سرخان دریا والیسی همده مسوولری حضوریده چیگره‌ده‌گی قوشمه بازارنی باریب کوردی.
شونینگدیک اسلام امیرلیگی هیاتی و سرخان دریا ولایتی مقاملری ایکی تامانلمه موضوعلر اوستیده بحث بولیب فکر المشتیریب افغانستان و ازبکستان اورته‌سیده علاقه تورلی بولیملر اینیقسه تجاری، توسعه و مستحکملش بوییچه کوپراق بولیشی حقیده اورغولندی.#
