افغانستان اسلام امیرلیگی ریاست الوزراء اقتصادی اورین باسری حرمتلی ملا عبدالغنی برادر آخند باشچیلیگیده بوگون مرمرین قصریده استندرد عالی کینگشی نینگ ایکینچی ییغینیده ایریم بولیملرده ۳۰ استندرد تصدیقلندی.
اوشبو ییغین ده ملی استندرد اداره سی نینگ عمومی باشلیغی ملا فیض الله تمیم، بو کینگش نینگ دایمی اعضالری و خصوصی سکتور نماینده لری اشتراک قیلگن ایدیلر.
بیرینچیدن ریاست الوزراء اقتصادی اورین باسری حرمتلی ملا عبدالغنی برادر آخند وطنداشلریمیزگه معیازی تولیدات و واردات عرضه ایتیش ده استندردلرنی ایجاد همده تطبیق ایتیش ضروری دیب ایتدی.
حرمتلی ملا عبدالغنی برادر آخند نینگ کوپه یتیریشیچه، بو ایش بیلن صفت سیز تاورلرنینگ تولید همده وارد قیلیش نینگ آلدی آلینه دی و معیاری جنس مردم نینگ اختیاریگه قویله دی.
ریاست الوزراء اقتصادی اورین باسری برچه اداره لردن کینگش نینگ تصدیقله گن اسنتندردلرینی جدی بیر شکلده تطبیق و تعقیب ایتیشلرینی سوره دی.
کیینچه لیک اوشبو ییغین ده قوریلیش، آزیق آوقت، ایچیملیک، طبیات، کانلر، نفت، نساجی، یشش محیط و برقی اوسکونه لردن عبارت ۳۰ استندرد اوستیده هر تامانلمه بحث آلیب باریلیب اولر تصدیقلندی.#
