افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن کیین بیرلشگن ملتلر تشکیلاتی نینگ افغانستان اوچون مخصوص نماینده سی اورین باسری حرمتلی رامیز الاکبروف بیلن اوچره شدی.
یوناما نینگ سیاسی ایشلر مسوولی حرمتلی میروین پتروسون حضوریده بولیب اوتگن بو اوچره شووده حرمتلی الاکبروف بیرلشگن ملتلر تشکیلاتی همده تیگیشلی اداره لرنینگ کمک و فعالیتی آرقه داشلیک قیلگن اوچون اسلام امیرلیگی مسووللریگه تشکرلیک قیلدی.
بیرلشگن ملتلر تشکیلاتی نماینده سی نینگ اورین باسری انسان پرورلیک همده یاردم ییتکزیب بیریش توغریسیده اسلام امیرلیگی تامانیدن اوشبو تشکیلات خادملریگه قولیلیک یره تیلگنی اوچون خورسندلیک قیلدی.
سونگره ریاست الوزراء اداری اورین باسری حرمتلی مولوی عبدالسلام حنفی بیرلشگن ملتلر تشکیلاتی نینگ افغانستان اوچون مخصوص نماینده سی اورین باسری بیلن اوچره شگنیدن خورسندلیک قیلیب، بیرلشگن ملتلر تشکیلاتی نماینده لیگی همده یاردم بیرووچی تشکیلاتلر فعالیت‌نی افغانستان اوچون حیاتی دیب مردم گه یاردم ییتکزیب بیرلیشی حقیده تاکیدله دی.
ریاست الوزراء اداری اورین باسری نینگ ایتیشیچه، اسلام امیرلیگی بیرلشگن ملتلر تشکیلاتی قوشیمچه باشقه انسان پرورلیک یاردملر ییتکزیب بیرووچی تشکیلاتلرنینگ کمکلرینی خوش قرشیلیدی و اوی حمایت قیله دی.
