افغانستان اسلام امیرلیکی ریاست الوزراء ادارسی اورین باسری حرمتلی مولوی عبدالسلام حنفی بوگون الفتح ۲۰۹ قول اردو قوماندانی حرمتلی ملا رحمت الله محمد اکا بیلن اوچره شدی.
بو اوچره شووده بیرینچیدن حرمتلی ملا رحمت الله محمد اکا الفتح ۲۰۹ قول اردوسی نینگ فعالیتی و ایشلری قوشیمچه مذکور قول اردوده مجاهدلرنینگ وضعیتی باره سیده ریاست الوزراء اداری اورین باسریگه معلومات بیردی.
حرمتلی ملا رحمت الله محمد اکا نینگ سوزلریگه کوره، الفتح قول اردوسی مجاهدلری اینگ یخشی سطح ده تیارلر و یوکسک مورال و روحیه گه ایگه لر و هر دقیقه اسلامی نظام حاکمیتی، امنیت، خلق آسایشی و مملکت ییر بوتونلی توغریسیده اسلام امیرملیگی بویوکلری بویروغینی عملگه آشیریش اوچون تیارلر.
ریاست الوزراء اداری اورین باسری حرمتلی مولوی عبدالسلام حنفی الفتح ۲۰۹ قول اردوسی قوماندانی نین خوش کیلیب سیزدیب، اسلام امیرلیگی مجاهدلری فعالیتی و ایشلرینی اینیقسه اوشبو قول اردو مجاهدلری نینگ دفاع، امنیت و مملکت ییر بوتونلیگی بوییچه آۀیب باره جک فعالیتلرینی تحسین قیلدی.
ریاست الوزراء اداری اورین باسری نینگ سوزلریگه کوره، بوگون مملکت اهالیسی ایریشیب تورگن امنیت و برقرارلیک اولکه دفاعی همده امنیتی کوچلری و مجاهدلر زحمتی نینگ نتیجه سی دیر و بو توغریده هیچ قنده ی فداکارلیک نی دریغ قیلمه گنلر.
اونینگ ایتیشیچه، کیلگوسیده مجاهدلر، دفاعی همده امنیتی کوچلردن اسلامی نظام حاکمیتی، امنیت، مردم آسایشته لیگی و مملکت ییر بوتونلیگینی مدافعه قیلیش یولیده اوزلریدن شایسته لیک و فداکارلیک کورسه تیشلری کوتیله دی.#
