افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی ازبکستانگه بولگن سفری جریانیده او مملکت بلند مرتبه‌لی رسمیلری بیلن قیلگن ملاقاتی و فرهنگی و باستانی ساحه‌لرنی باریب کوریشی دوامیده تناون سمرقند ولایتیگه سفر قیلدی.
افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی سمر قند ولایتیگه باریشی بیلن او ولایت والیسی همده محلی مسووللری تامانیدن خوش قرشیلندی و کیینچه لیک بو ولایت والیسی حرمتلی حدیث مظفر اوغلی بابایف بیلن کوریشدی.
حرمتلی حدیث بابایف حرمتلی عبدالسلام حنفی همده یولداش هیاتنی خوش کیلیب سیزلر دیب ایتیشدن علاوه ازبکستان و افغانستان نینگ تاریخی و فرهنگی علاقه سی اوستیده توخته‌لیب، افغانستان و ازبکستان اوزاق ییللردن بیری ایککی مسالمت آمیز قوشنی صفتیده هر دایم ایزگو مناسبت ده بولیب کیلگنلر و ازبکستان تامانی بو علاقه‌لر تورلی بولیملرده ینه هم کینگه‌یشنی ایسته‌یدی دیب ایتدی.
کیینچه‌لیک ریاست الوزراء اداری اورین باسری حرمتلی مولوی عبدالسلام حنفی اولرنینگ مهمان نوازلیگیدن قدردانلیک قیلیب، افغانستان و ازبکستان ایکی سابقه‌گه ایگه قوشنی اوله‌راق هر دایم حرمت‌گه اساسلنگن ایزگو علاقه‌ده بولیب کیلگنلر و افغانستان ایسه بو تاریخی و فرهنگی علاقه‌لرگه تیه‌نیب همده ایکی تامانلمه مشارکت اساسیده بو علاقه‌لرنی مستحکملش و اونی ارتقاء ایتیشگه تلاش قیله‌دی دیب تیلگه آلدی.
حرمتلی مولوی عبدالسلام حنفی و یولداش هیاتی بو سفر جریانیده بو ولایت نینگ تورلی مقدس مکانلری، تاریخی و فرهنگی ییرلری خصوصا امام بخاری رحمه الله مقبره‌سینی باریب کوریب دعا قیلدی.#
