افغانستان اسلام امیرلیگی ریاست الوزراء سیاسي اورین باسری حرمتلی مولوی عبدالکبیر بوگون پکتيا ولایتی نینگ څمکنی اولسواللیگیگه سفری چاغیده ضیاءالعلوم مدرسه‌سی نینگ دستاربندلیک مراسمیده اشتراک ایتدی و نطق سوزله‌دی.
بو کتّه ییغیلیشده امر بالمعروف، نهی المنکر و شکایتلرنی ایشیتیش وزیرلیگی معاونی، پکتيا نینگ جانیخیل،څمکنی، دندپتان، احمدخېل، لجه منگل و آریوب زازی اولسواللیکلری، دیني ییتکچیلر، عالِملر، جهادي قوماندانلر، مدرسه و مکتب اوقیتووچیلری، طلبه‌لر، کوپلب فقرالر و محلي مسووللر اشتراک ایتدی.
محلي عالِملر ریاست الوزراء سیاسي اورین‌باسری نینگ څمکنی تومنیگه سفریدن خورسند ایکنلیکلرینی بیلدیریب، پکتيا ولایتیده‌گی مدرسه‌لر اسلام امیرلیگی و خلقلر نینگ مالیوي کمگیده فعالیت یوریته‌یاتگنینی تأکیدله‌دیلر.
امر بالمعروف نهی المنکر و شکایتلرنی ایشیتیش وزیرلیک اورین باسری شیخ محمد فقیر محمدي بیتیرووچی عالِملرنی تبریکلر ایکن، عالِملر جمعیتنی اصلاح قیلیشده دیني مسوولیتنی ادا ایتیشلری کیره‌ک دیدی.
کیینراق ریاست الوزراء سیاسي اورین باسری حرمتلی مولوی عبدالکبیر چیکّه حدودلرده‌گی مدرسه و مکتبلر فعالیتینی قانیقرلی دیب بهاله‌دی و اسلام امیرلیگی برچه تعلیم مرکزلری نینگ رواجلنیشیگه علیحده اعتبار قره‌ته‌‌یاتگنینی قوشیمچه قیلدی.
ریاست الوزراء حرمتلی سیاسي اورین باسری عالِملر و محلي مسووللرنی هر قنده‌ی وضعیتده هم خلق بیلن همکارلیککه، اولر نینگ آوازیگه قولاق سالیشگه چقیردی.
حرمتلی مولوي عبدالکبیر جدی نینگ ۶-کونیگه اشاره قیلیب، امریکا و ناتو سابق شوروی اتفاقی نینگ افغانستانده‌گی مغلوبیتیگه اعتبار بیرمه‌گنی و امریکا تاریخیده‌گی اوزاق دوام ایتگن اوروش افغان خلقی نینگ جهادی طفیلی ناکام بولگنینی ایتدی.
اونینگ سوزلریگه کوره، اشغال توگه‌تیلیب، اسلامي توزوم کیریب کیلگنیدن کیین افغانستانده اوروش اوچون هیچ قنده‌ی اساس یۉپوق و افغانلر دین و افغان قدریتلرینی حمایه قیلیشدن تارتینمه‌یدیلر.
اونینگ قوشیمچه قیلیشیچه، افغان خلقی نینگ جهادی نتیجه‌سیده منطقه بویوک دولتلر نینگ رقابتی و مستملکه‌چیلیگیدن قوتولگن.
حرمتلی سیاسي اورین باسر اسلام امیرلیگی نینگ تینچلیک و بیردملیک دعوتی بارلیگینی، بیراق هر قنده‌ی تامان زورآورلیککه اونده‌سه، بونگه جدّي مناسبتده بولیشی مقرر ایکنینی توشونتیردی.
شونینگدیک ریاست الوزراء سیاسی اورین باسری اسلام امیرلیگی هیچ کیم نینگ خواهشیگه ایرگشمسلیگینی، بلکه دنیا بیلن اسلامي تمایللر اساسیده علاقه‌لرنی ایزلشینی قوشیمچه قیلدی.
یکونده حرمتلی سیاسي اورین باسری گردیز-دندپتان یولینی ترمیملشده‌گی سعی- حرکتلر و همکارلیک حقیده توخته‌لیب، بیتیروچیلرنی نقد پول ساوغه‌لری بیلن تقدیرله‌دی.#
