بسم الله الرحمن الرحیم
الله أکبر الله أکبر، لا إله إلا الله والله أکبر، الله أکبر ولله الحمد
الحمد لله نحمده ونستعينه ونستغفره ونعوذ بالله من شرور أنفسنا ومن سيئات أعمالنا من يهده الله فلا مضل له ومن يضلل فلا هادي له وأشهد أن لا إله إلا الله وحده لا شريك له وأشهد أن محمدا عبده ورسوله. صلوات الله تعالی و سلامه علیه و علی آله و أصحابه أجمعین.
سونگ: فقد قال الله عز وجل:
- قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّـهِ رَبِّ الْعَالَمِينَ ﴿١٦٢﴾ الانعام
ترجمه: اَیت نماز و مینگ قربانلیکلریم و (نهایت) مینینگ اولیم و تیریکچیلیگیم همه سی بوتون نینگ نینگ پروردگاری خاص الله جل و جلاله اوچون دیر، بوله‌دی. (عزيز التفاسير، جلد۴، ص: ۴۰۳).
- وَأَتِمُّوا الْحَجَّ وَالْعُمْرَةَ لِلَّهِ ۚ ... وَاتَّقُوا اللَّهَ وَاعْلَمُوٓا أَنَّ اللَّهَ شَدِيدُ الْعِقَابِ
[سُوۡرَةُ البَقَرَة : ۱۹۶]
ترجمه: و حج و عمره هر ایکیسینی هم الله جل جلاله رضالیگی اوچون بجرینگلر... و الله جل جلاله دن قورقینگلر و بونینگ هم بیلینگ که شبهه سیز الله جل جلاله نینگ عذابی جوده قیین و آغیر دیر. ( تفسیر کابلی جلد ۱ ، ص : ۱۶۳-۱۶۶ ).
ــ عَنْ أَنَسِ بْنِ مَالِكٍ رضی الله تعالی عنه قَالَ : ضَحَّى رَسُولُ اللَّهِ -صلى الله عليه وسلم- بِكَبْشَيْنِ أَمْلَحَيْنِ أَقْرَنَيْنِ ذَبَحَهُمَا بِيَدِهِ وسَمّى وَكَبّرُ قال: رَأَيْتُهُ وَاضِعًا قَدَمَهُ عَلَى صِفَاحِهِمَا وَيَقُولُ بسم الله والله اکبر، متفق عليه.
ترجمه: انس رضی‌الله تعالی عنه روایت قیله‌دیلر که رسول الله صلی الله علیه و سلم شاخلی ایکی قوچقار (شاخلری جوده اوزون بولگن و یا- ده شاخلری سینمه‌گن) آق و قاره رنگلی ایکی قوچقارنی قربانلیک قیلدیلر. رسول الله صلی الله علیه وسلم بسم الله و الله اکبر دیب، مبارک قوللری بیلن قربانلیک نی ذبح قیلدیلر. حضرت انس نینگ ایتیشیچه: مین کوزلریم بیلن کوردیم که مبارک ایاغلرینی اولرنینگ بوینیگه قویدیلر و بسم الله و الله اکبر دیدیلر. (بخاری و مسلم)
نهایت شو که رسول الله صلی الله علیه و سلم آق و قاره رنگلی ایکی ته اوزون شاخلی قوچقارنی قربانلیک قیلدیلر، اولرنی اوز قوللری بیلن سویدیلر، بسم الله و تکبیر دیب مبارک ایاغلرینی اولرنینگ بوینیگه قویدیلر.
ــ عَنْ عَائِشَةَ أَنَّ رَسُولَ اللَّهِ -صلى الله عليه وسلم- قَالَ « مَا عَمِلَ آدَمِىٌّ مِنْ عَمَلٍ يَوْمَ النَّحْرِ أَحَبَّ إِلَى اللَّهِ مِنْ إِهْرَاقِ الدَّمِ إِنَّهَا لَتَأْتِى يَوْمَ الْقِيَامَةِ بِقُرُونِهَا وَأَشْعَارِهَا وَأَظْلاَفِهَا وَإِنَّ الدَّمَ لَيَقَعُ مِنَ اللَّهِ بِمَكَانٍ قَبْلَ أَنْ يَقَعَ مِنَ الأَرْضِ فَطِيبُوا بِهَا نَفْسًا» مشکوة جلد ۱ ، ص ۱۲۸
ترجمه: بی بی عایشه رضی الله تعالی عنها ایته‌دیلر که رسول الله صلی الله علیه و سلم ایتگن دیرلر: آدم اولادی نینگ هیچ نحر عملی (قربانلیک قیلیش ایامی) الله جل وجلاله نینگ آلدیده (قربانلیک) قانینی توکیش دن کوره محبوب ایمس دیر. سویلگن حیوان (قربانلیک) قیامت کونی اوزی نینگ اوزون شاخلری، یونگلری و اوسگن تیرناقلری بیلن کیله دی و قربانلیک نینگ قانی ییرگه توکیلمسدن آلدین (ذبح قیلیش اراده سی) بولسه الله تعالی درگاهیگه قبول بوله‌دی. دیمک سیزلر شونینگ اوچون (قربانلیک قیلیش بیلن) نفسینگیزنی خوشنود قیلینگ.
افغانستان مجاهد و مومن ملتی و بوتون دنیا مسلمانلری!
السلام علیکم ورحمة الله وبرکاته!
بیرینچیدن برچه‌نگیزنی قربان هییتی بیلن تبریکله‌یمن. اللّه تعالی قربانلیگینگیزنی، صدقه‌لرینگیزنی، حجلرینگیزنی و برچه اېزگو عمللرینگیزنی قبول قیلسین.
شریعت تیزیمی و عمومي خوفسیزلیکدن بهره‌مند بولگن بو کونلرده بیزگه عبادت و قربانلیکلر کیله‌یپتی، دېمک، الله تعالیگه ینه‌ده کوپراق الهي نعمتلریگه لایق بۉلگنیگه شکر قیلیشیمیز کېره‌ک.
لله الحمد اسلام امیرلیگی کیلیشی بیلن بوتون افغانستانده شریعت تیزیمی اورنه‌تیلدی، مقّدس اسلام شریعتی حیاتگه تطبیق ایتیلدی، دیني مراسملرنینگ اوستونلیگی و دینی مرکزلرنینگ کینگه‌ییشی و مستحکملنیشی اوچون مهم چاره-تدبیرلر عملگه آشیریلدی اعتقادلی خلقیمیز بو یولده اوزاق مدت کوره‌شیب و کته قربانلیک بیردیلر.
وطنیمیزده اسلامي برادرلیک و بیردملیک مستحکملندی، عامه خلق نینگ سرمایه سی، یېرلر، اورمانلر و باشقه مُلکلر بیت المال صفتیده محافظه قیلیندی. اسلام امیرلیگی حکمرانلیگی بیلن برچه فقرالر نینگ شریعت حقوقلری کفالتلنه‌دی و حمایه قیلینه‌دی.
شرعی محکمه‌لر فعالیتی بیلن مقدس شریعت تطبیق ایتیله‌دی، شونینگدیک امربالمعروف نینگ و نهی عن المنکر عملده تطبیق ایتیله‌دی. بو توغریده شعری اصل و مطابقتیده جامعه نینگ اصلاح ایتیش اوچون چاره تدبیرلر عملگه آشیریلماقده.
الله جل جلاله نینگ نصرت و فضلی بیلن و حکیمانه چاره تدبیرلر برکتی بیلن و اسلام امیرلیگی نینگ اخلاص و شفافیتی بیلن قیته قوریش، ایکینچیلیک، سوغاریش، یول قوریش، کانلرنی قازیب چیقاریش و باشقه بولیملرده مهم قدملر کوتریلگن و ایشلر بجریلماقده دیر.
اقتصاد ساحه‌سیده اسلام امیرلیگی ینه بیر بار برچه سرمایه‌دارلر و ایش بیلرمانلرنی تورلی ساحه‌لرگه سرمایه کیریتیشگه همده اقتصادي ساحه‌ده ینه‌ده کوپراق موفقیتگه ایریشیش و مملکت نینگ اقتصادي معمالرینی برطرف ایتیش اوچون افغانستان نینگ ترقیاتی و رواجله‌نیشیده اوز مسولیتینی ادا ایتیشگه چقیره‌دی.
اسلام امیرلیگی خوفسیزلیکنی تأمینلش و برچه نینگ حقوقلرینی حرمت قیلیش طرفداری بولیب، امیرلیک نینگ برچه بولیملری سرمایه‌دارلر اوچون افغانستان نینگ گُللب-یه‌شنه‌شی و اقتصادي رواجلنیشی اوچون ضرور قوله‌یلیکلر یره‌تیب بیریشگه و اولر نینگ بو باره‌ده‌گی ایستکلریگه اعتبار قره‌تیشگه تیار دیر.
اسلام امیرلیگی یتیملر، بیوه‌لر، معلوللر و کمبغللرنینگ حق-حقوقلریگه قتّيق بیل باغله‌یدی و اولرگه یاردم بېره‌دی. بیز حلی هم سرمایه‌دار افغانلرنی محتاج آدملر و یتیملرنی اونوتمسلیککه، اولرنی تربیه‌لش و یاردم بیریش اوچون اولرگه تولیق اعتبار بیریشگه چقیره‌میز.
تیلنچیلرنی ییغیش بوییچه مهم چاره-تدبیرلر عملگه آشیریلیب، برقرارلشووگه مناسب بولگن مینگلب تیلنچیلرگه اسلام امیرلیگی یاردم ببرماقده.
اسلام امیرلیگی بوتون دنیا، خصوصاً، اسلام دولتلری بیلن شریعت دایره‌سیده سیاسي و اقتصادي علاقه‌لرنی ایسته‌یدی و بو باره‌ده‌گی مجبوريتلرینی بجردی.
اسلام امیرلیگی مسووللریگه مصلحتیم شوکی، برچه بولیملرده اوز مسوولیت و مجبوريتلرینی جدّي بجرسینلر. دروازه لرینگیزنی آدملرگه آچینگ، ایشنی ثمره‌لی و تیز بجرینگ، هېچ قچان آدملر بیلن قوپال معامله قیلمنگ، شونده اولر سیزنی بیگانه دیب بیلیشه‌دی.
خوفسیزلیک خدمتی خادملریگه کورستگن یول-یوریق، اینیقسه، هییت کونلریده آدملرنینگ قوله‌یلیگی، خدمتی و خوفسیزلیگیگه تولیق اعتبار قره‌تیش، اولرنینگ بخت و سعادتی، تینچلیگی اوچون برچه چاره-تدبیرلرنی کوریش، شهیدلر، معلوللر عایله‌لرینی قوتلشدن عبارت.
حرمتلی ایناغه‌لر!
اسلامي توزومیمیزنی حمایه قیلیش، اونگه خدمت قیلیش و اونگه اعتبار قره‌تیش برچه‌میز نینگ عمومي مسوولیتیمیز دیر. بیرگه‌لیکده و صدقِ دلدن توریب، برادردیک بیر-بیریمیزگه یانداشه‌یلیک، دشمنلرنینگ مکرلرینی یوق قیله‌یلیک، خوفسیزلیک، فراوانلیک، قرارگاه و شریعت باشقروو تیزیمینی قدرله‌یلیک، اونی مستحکملشگه حرکت قیله‌یلیک، اسلامی تیزیم کوچه یتیریلیشی یولیده آلدیندن کوره کوپراق بیرگه لیک ده سعی و حرکت قیله یلیک.
الحمدلله بو ییل هم اوتیزمینگدن کوپراق حاجیلریمیز حج مقدس فریضه‌سینی ادا ایتیش مقصدیده بیت الله شریف گه کیتگنلر، اولرگه ارشاد، حج و اوقاف وزیرلیگی قوشیمچه باشقه امارتی مسووللر تامانیدن بوتونله ی خدمت قیلینه دی و اولر اوچون لازم بولگن برچه قولیلیکلر نظرده توتیلگن دیر. دنیا نینگ هر بیر بورجگیدن حرمین شریفینگه تشریف بویورگن قدرلی حاجیلردن برچه اسلام امتی اینیقسه فلسطین مظلوم مسلمان خلقیگه و قاله ویرسه بیزنینگ رنج کورگن ملتیمیزگه دعا قیلیشلرینی ایسته‌یمن تاکه الله تعالی بو دنیا و او دنیاده برچه گه سعادت و خوشبخت لیک نصیب قیلسه. سونگی آیلرده مملکتیمیزنینگ ایریم ولایتلریده یوز بیرگن سوو تاشقینلری و اونینگ نتیجه‌سیده وطنداشلریمیزگه جانی و مالی زیان ییتگنیدن قتیق متاثر من.
اوزیم نینگ تسلیت و قیغوداشلیگمینی رنج کورگن برچه افغانلرگه چین کونگیلدن شریک قیله‌من، بو حادثه لرده شهید بولگنلرگه جنة الفردوس و یره لنگنلر تولیق شفا و زیان کورگن عایله لرگه ایسه اجر آرزو قیله‌من.
الحمدلله اسلام امیرلیگی و مجاهدلر نینگ برچه تیگیشلی اداره‌لری اوز امکانیتلری دایره‌سیده جبرلنگنلرنی قوتقریش و اولرگه خدمت کورسه‌تیش اوچون یاردم بیریشدی و حاضر هم ایشله‌ماقده، شونینگدیک، تدبیرکارلر، بای آدملر و عادي افغانلردن اوزلریگه یره‌شه یاردم بیریشلرینی سوره‌یمن. افغانلرنینگ عذاب-عقوبتلریگه غمخورلیک قیله‌دی و اولرگه هیچ قنده‌ی مادّي و معنوي یاردمنی ایه‌مه‌یدی.
هییت کیچه و کوندوزلریده اوی - جایسیز قالگن عایله‌لرنی قوتلب، هییت قووانچیگه شریک قیلینگلر.
بیز صهیونیست اسرائیل نینگ غزه، فلسطین و باشقه حدودلرده مظلوم عیاللر، باله‌لر و مسلمانلرگه قیلگن هجوملری و وحشيلیکلرینی ینه بیر بار کیسکین قاره‌له‌یمیز و بو کتّه جنایت و شفقتسیز وحشيلیکلرنینگ آلدینی آلیش اوچون باشقه دولتلردن هم اوز مسوولیتلرینی بجریشلرینی سوره‌یمیز.
اداغده ینه بیر بار برچه ایمانلی و ارداقلی خلقیمنی قربان هییتی بیلن تبریکله‌یمن. الله تعالی برچه‌میزگه برچه هییتلریمیزنی تولیق مستقللیک و اسلامي توزوم سایه‌سیده خوفسیز و بختلی محیطده شونده‌ی نشانلشنی نصیب ایتسین. والسلام
امیرالمؤمنین شیخ القرآن والحدیث مولوی هبة الله اخندزاده
۷/۱۲/۱۴۴۵ هـ ق
۲۵/۳/۱۴۰۳هـ ش ــ 2024/6/14م
